Ibitaro bya Gatonde byakiriye itsinda ry’abayobozi baturutse mu Karere ka Kirehe mu ruzinduko Nyunguranabumenyi

Uru ruzinduko rwibanze ku kungurana ibitekerezo ku mikorere y’ibitaro, imicungire ndetse n’uburyo bwo kunoza serivisi zihabwa abaturage. Abashyitsi bagiranye ibiganiro n’ubuyobozi bw’Ibitaro bya Gatonde, basangira ubunararibonye n’amasomo yakwifashishwa mu kunoza imitangire ya serivisi z’ubuvuzi.

Nyuma y’ibiganiro, iri tsinda ryasuye inyubako n’ibice bitandukanye by’ibitaro, hagamijwe kureba uko ibikorwa by’ubuvuzi n’imicungire yabyo bikorwa mu buryo bufatika.

Nk'uko byatangajwe n'iri tsinda, ibyavuye muri uru ruzinduko bizafasha Akarere ka Kirehe mu igenamigambi rigamije kuzamura Ikigo Nderabuzima cya Nyarubuye kikaba ibitaro by’akarere, binyuze mu kwifashisha ubunararibonye bw’ibindi bigo nderabuzima n’ibitaro bimaze gutera intambwe mu mikorere no mu itangwa rya serivisi.

Uru ruzinduko ni umwanya mwiza wo gushimangira ubufatanye, gusangira ubumenyi no kwigira ku byagezweho hagamijwe gukomeza guteza imbere serivisi z’ubuvuzi no kuzamura ireme ryazo ku nyungu z’abaturage.